ஜனனம்

என்னைப் பார்த்து
ஒவ்வொரு இரவும் நகைக்கிறது
வாழ்க்கையில் ஒன்றுமே சாதிக்கவில்லை என்று.
இரவுடன் மல்லுக்கட்டி
வாய்ப்பை வாரி வழங்கி
ஆசி தருகிறது ஒவ்வொரு விடியலும்.
எதையுமே புரிந்து கொள்ளாமல்
இயந்திரமாக வேலைக்குச் செல்கிறேன்
கணினியுடன் ஒரு போராட்டம் ஆரம்பிக்க.
களைத்துப் போய் வீடு சேர்ந்து
விடியல் கொடுத்த வாய்ப்பை
MAINFRAMEல் தொலைத்துவிட்டு
தூங்கியும் விடுகிறேன்.
எப்படியேனும் தொலைந்து போ என
விட்டு விலகி 23க்கு வழி விடும்
கடந்து போன 22ஐப் பார்த்து
நான் சொன்னேன் தீர்க்கமாக
"இன்று நான் புதிதாய்ப் பிறந்தேன்".